Mba'asypo'i
Mba'asypo'i ha'e peteĩ mba'asy oúva pokoka'igui ha oikerõ ñande retepýpe ombyai ñande ahy'o, ñe'ãvevúi, pitikiri'ĩ, atukupe kangue rysýi ha apytu'ũ. Pe tapicha hasýva ihu'u, iñatĩ, oñe'ẽ ha opurahéi jave opoi ipytúre pokoka'i, kóva oveve yvytúre ha ova tapicha hesãivare ogueraharõ ipytúre. Tapicha hasývape oñeñanduka kóicha: * Ihu'u puku mbohapy arapokõindy térã hetave. * Iñakanundu ka'aru térã pyharekue iñakanunduro'y ha hy'aipa. * Ndaijuruhevéi. * Ipiruve, ivevýi. * Ikane'õ, ikanguy, ijuku'a. * Pyti'a rasy. Eñandurõ ko'ã mba'e eñembojavaerã tasyópe ikatu hag̃uaicha eñeme'ẽ ndéve pohã ha ñengareko porã. Ko mba'asy vai ikatu ña nde juka.